كثير الكلام

اعتقد ان هذا هو حال الشعب المصرى
كثرة الكلام وقلة الفعل سمة مميزة للمصريين
بل من الممكن ان تكون من اوضح سمات الشعب المصرى
خصوصا عندما يكون الحديث عن الوطن وحب الوطن
نجد الكل يسارع ويتسابق فى اعلانه عن حبه لمصر وانه يعشق مصر وتراب مصر
ونجد التصريحات النارية عن كرامة مصر وكرامة المصريين
وان مصر فوق الجميع ومصر ام الدنيا
ومصر هى التى علمت وصدرت علمها وحضارتها للعالم
ومصر صاحبة الفضل فى جميع المجالات

عظيم جدا هذا الكلام ولكن

هل نحن افضل بشر فى العالم
فنحن بهذا ننفى عن باقى مواطنيين العالم حضارتهم وتقدمهم بل وحبهم لوطنهم
وكاننا الوحيدون فى العالم وكاننا نعيش فى كوكب اخر
لننظر الى حالنا وحال مصر
نجد اننا تراجعنا فى جميع المجالات واصبحنا نتقدم فقط فى التخلف وكثرة الكلام
فقد اصبحنا وطن حاضن للفساد والفاسدين
وطن يستشرى فيه الفساد كالسرطان
اصبحت الرشوة والمحسوبية والواسطة شئ بديهى جدا بل هو الطبيعى
اصبح كل شئ فاسد
طعام الممصريين وصحة المصريين وتعليم المصريين و فكر المصريين

والاخطر هو فساد الفكر
فنحن شعب سهل الانقياد وللاسف لسنا شعب لماح كما يقال
انما نساق ونوجه كما تريد العصبة الحاكمة

واكثر شئ يحبطنى هو عندما يتم مهاجمة النظام فى مصر
نجد الكل ينبرى فى الدفاع عنه
مع اننانعلم انه سبب كل الفساد المنتشر فى البلد
ولكن عندما تذكر كلمة مصر ندافع عن من يكبت حريتنا
وندافع عن من ينهب اموالنا وعن من يصدر الغاز لاعدائنا بابخس الاسعار
ويخلق لنا عدوا جديدا ونصدقه

ثم بعد ذلك نهاجم الدول الاخرى ونتهمها بالجهل والتخلف
فلننظر جيدا لهذه الدول
ليتنا نكون مثلهم
فهم قليلو الكلام كثيرو الفعل

دعوه للمؤازره النفسيه

سؤال جيه على بالى كتير بعد ما هديت ثورة الانفعال بمعرفه ورؤيه اللى حصل هناك
فى ناس اقترحوا الاتى
اولا المقاطعه للمنتاجات الامريكيه الصهيونيه
ثانيا الدعاء
ثالثا التبرعات
رابعا نشر الموضوع وتوعية الناس بيه لان فى ناس مش مقدره حجم المصيبه وفى ناس فاهمه الموضوع بشكل تانى
كمثال(مهما ضربوا شرطى مصرى احسن يستهلوا اللى بيحصلهم)
بس يا جماعه الموضوع مش كده تصوروا انكم محبوسين فى مكان ومقفول عليكم المعبر واهاليكم بتتدبح قدامكم هتعملوا ايه فى اللى قافل عليكم ده

خامسا كان فى اقتراح من (د. شريف عرفه طبيب اسنان ورسام كاركاتير)اننا نتصل بارقام عشوائيه فى غزه كنوع من أنواع المؤازره النفسيه
جربته واتصلت برقمين
واحده كانت مش قادره تتكلم وكانت بتقولى ان القصف بيحصل بشكل عشوائى وكان جنبهم من شويه
وحد تانى قلى انهم عايشين فى رعب وكل يوم بيناموا ومش واثقين ان كانوا هيعدى عليهم يوم جديد ولا لاء

للاتصال
* توجه إلي أقرب سنترال أو كابينة تليفون أو من أي تليفون محمول.
* اطلب كود فلسطين (00970) + كود غزة (8).
* اطلب سبعة أرقام بشكل عشوائي علي أن تبدأ بثلاثة أرقام من الأرقام الآتية ( 213 -205 – 206 – 282 – 283 – 284 – 286 )

واحتسب الاجر
الناس اللى كلمتهم متتصوروش كانوا هما اللى بيدعولى رغم انى كنت حاسه بعجز رهيب وانا بكلمهم
مش عارفه اقلهم ايه ولا اساعدهم ازاى بس ممكن يكون ده مؤثر معنويا
وان مكنش هيعملهم حاجه
يلا نتصل قبل ما الخطوط التليفونيه تتقطع زى الكهربا

سادسا تعالوا جميعا نبدأ مع انفسنا بدايه جديده
وتعالوا ننشر الموضوع ونستحضر النيه معا
والله المستعان

الحصار المصرى على غزة

كثيرا ما يردد المسؤلون العرب الحديث عن بذلهم الجهد من اجل رفع الحصار عن غزة
وانهم يطالبون المجتمع الدولى بالضغط على اسرائيل لرفع حصارها الغاشم عن غزة
هذا الى جانب المفاوضات المصرية مع الجانب الصهيونى لبحث التهدئة ومن ثم التمهيد لرفع الحصار

لا ادرى أهولاء المسئولين يصدقون ما يقولونه فى ان هذا لحصار هو حصار اسرائيلى؟
ام ان هذا تماديا فى الخيانة لنا ولقضية العرب والمسلميين الاولى
فاذا كانت اسرئيل تفرض الحصار وتغلق المعابر وتمنع الوقود عن غزة
فاين مصر من هذا كله ؟ واين معبر رفح؟

ان هذا الحصار هو حصارا عربيا او بالاحرى مصريا
مصر هى التى تحاصرهم وتغلق معبر رفح فى وجوه الفلسطنيين بل اننا نساعد فى قتلهم
فاذا كان هناك العديد من الشهداء والجرحى يسقطون بفعل القصف الاسرائيلى
فهناك ايضا العديد من الشهداء يسقطون بفعل الحصار المصرى
لماذا نغلق المعبر فى وجه الجرحى والمرضى؟ فنحن نرى كل يوم ما يعانيه المرضى
بسبب نقص الادوية وانقطاع الكهرباء وهذ يؤدى الى سقوط العديد منهم خصوصا مرضى الفشل الكلوى

اعتقد ان الفلسطنيين لا يطلبون الكثير من مصر فهم لم يطلبوا دعما عسكريا ولا سياسيا
وانما يطلبون فقط رفع الحصار و اعتقد ان هذا لن يضير مصر فى شئ

لقد جلب هذا النظام لا سم مصر ولشعبها الذل والعار
فنحن لم نعد نسمع كلمة الشقيقة الكبرى واذا قيلت فتكون على لسان المنافقين والموالسين لتظام الحكم
او ممكن ان تقال على لسان بعض الاخوة الفلسطنيين تقديرا للشعب المصرى فقط

مصر لم تعد تستحق هذا اللقب بسبب هذا النظام
فالذى يفعل ذلك باشقائه
لا يستحق ان يكون شقيقا ولا يستحق ان يكون كبيرا

اعتقد ان تراجع الدور المصرى على المستوى العربى لم ياتى من فراغ
وانما بسبب اولئك الحفنة من الخونة

وقد تجلى هذا فى مواقف عديدة ابرزها ما حدث مؤخرا فى الازمة اللبنانية وانحياز مصر الكامل مع المولاة
واتهامها المعارضة بمحاولة تعطيل الحياة السياسية فى لبنان وبولائها لايران وسوريا
فكيف تكون مصر حكما فى هذه المسالة ؟ وكيف تستضيف الفرقاء اللبنانيين على ارضها؟

وعلى جانب اخر فلننظر لدولة صغيرة مثل قطر وكيف نجحت فى استضافة الفرقاء اللبنانيين
وتوقيعهم اتفاق الدوحة الذى منع لبنان من الانزلاق الى حرب اهلية
اذا كانت قطر صغيرة فى حجمها فهى كبيرة فى نظر كثير من العرب وخصوصا اللبنانيين
ومن تابع ردود فعل الشارع اللبنانى سيعرف مدى التقدير والاحترام التى حظيت به قطر
فكان كل من يتحدث يشكر دولة قطر واميرها ولم يشكروا قاداتهم
لدرجة ان احد المواطنيين اللبنانيين قال انه سوف يذهب للحج بعد ذلك فى قطر
ربما قالها تقديرا لقطر او نكاية بالمملكة العربية لسعودية التى تسير على نفس الدرب مع مصر

الله انصر اخواننا فى غزة وفك حصارهم
وانتقم من هؤلاء الخونة وكل من يوالى اليهود والامريكان

فى ذكرى نكبة فلسطين 48

فى ذكرى نكبة فلسطين 48 وبمناسبة مرور ستون عاما على هذه النكبة
اردت ان يتذكر الجميع هذا التاريخ جيدا 15 مايو 1948 وهو ذكرى اغتصاب ارض فلسطين الحبيبة
واعلان قيام دولة الكيان الصهيونى المغتصب ولكن بالنسبة لنا فهو يوم نكبة واية نكبة
انها اكبر نكبة ابتلى بها المسلمين والعرب فى العصر الحديث
وقد لاحظت فى الاعوام الاخيرة ان يوم 15 مايو يمر علينا مرور الكرام ولا احد يتذكره
وان كثيرا من الناس لا يعلمون شيئا عن النكبة بل ويخلطون بين نكبة 48 ونكسة 67
وللاسف الوحيد الذى تذكر هذا التاريخ هو الرئيس مبارك ولكن على طريقته
فقد ورد فى جريدة القدس العربى ان الرئيس مبارك بعث ببرقية تهنئة لشيمون بيريز رئيس دولة العدو الصهيونى
يهنئه فيها على قيام هذه الدولة المزعومة....حسبنا الله ونعم الوكيل

ولذلك اريد من كل من يزور المدونة ان يبدا بتوعية كل من يعرفه
وارجو ابداء ارائكم واقتراحتكم ختى نستطيع ان نبدا حملة لا حياء هذه الذكرى
وقد قمنا بعمل جروب على الفيس بوك

فى الذكرى الستين لنكبة 48 .... لن ننسى

http://www.facebook.com/group.php?gid=53579815440

عدنا

اخيرا قررت ارجع ادون تاتى بعد فترة طويلة من الكسل

وعايز اشكر كل اللى سأل عليا وخصوصا مدام اميرة صاحبة المدونة الجميلة

klmat

ولقيت احسن حاجة ارجع بيها للتدوين هى مجموعة الابيات دى للشاعر المبدع احمد مطر

ايها الشعب
لماذا خلق الله يديك؟
ألكي تعمل؟
لا شغل لديك.
ألكي تأكل؟
لا قوت لديك.
ألكي تكتب؟
ممنوع وصول الحرف
حتى لو مشى منك إليك!
أنت لا تعمل
إلا عاطلاً عنك..
ولا تأكل إلا شفتيك!
أنت لا تكتب بل تُكبت
من رأسك حتى أ خمصيك!
فلماذا خلق الله يديك؟
أتظن الله - جل الله -
قد سوّاهما..
حتى تسوي شاربيك؟
أو لتفلي عا رضيك؟
حاش لله..
لقد سواهما كي تحمل الحكام
من أعلى الكراسي.. لأدنى قدميك!
ولكي تأكل من أكتافهم
ما أكلوا من كتفيك.
ولكي تكتب بالسوط على أجسادهم
ملحمة أكبر مما كبتوا في أ صغر يك.
هل عرفت الآن ما معنا هما؟
إ نهض، إذن.
إ نهض، وكشر عنهـما.
إ نهض
ودع كُلك يغدو قبضتيك!
نهض النوم من النوم
على ضوضاء صمتي!
أيها الشعب وصوتي
لم يحرك شعرة في أذنيك.
أنا لا علة بي إلا كَ
لا لعنة لي إلا كَ
إ نهض
لعنة الله عليك

الملكية الديموقراطية...والجمهورية الديكتاتورية

يتبادر الى اذهان كثير منا عند سماع كلمة ملكية ارتباطها الدائم بالديكتاتورية
والظام الملكى عبارة عن ديكتاتور يسخر كل شئ لخدمته
وأن كلمة جمهورية هى المرادف لكلمة ديموقراطية حيث يوجد انتخابات برلمانية ورئاسية
وكل شئ يتم بارادة الشعب فهو الذى يختار نوابه ورئيسه

ولكن فى بلدنا الحبيب الوضع على النقيض تماما كعادة كل شئ فى مصر
فعندنا النظام الجمهورى هو الديكتاتورية بعينها وبكل اشكالها وصورها
حيث الاعتقالات والتعذيب والتزوير والفساد وكبت الحريات الى حد جعلنى اتمنى ان نعود الى الملكية
خصوصا بعد متابعتى لمسلسل الملك فاروق ولكن للاسف لم تكن متابعة كاملة فلم اشاهد سوى حلقات قليلة
ولكنها كانت كفيلة لمعرفة الاجواء التى عاشتها مصر فى تلك الحقبة

فقد كان هناك انتخابات حقيقية ونزيهة-على عكس ما يحدث الان- تسفر عن مجلس نواب يعبر عن ارادة الشعب
وتشكيل حكومة على اساس حجم الكتل البرلمانية وان كان تشكيل الحكومات شابه بعض اللغط نظرا لظروف الاحتلال
هذا عن جانب الانتخابات وتشكيل الحكومات اما عن جانب الحريات فهذا الموقف الذى ساذكره يعبر عن مدى الحرية التى كان ينعم بها الشعب فى عهد الملك فاروق
وهذا الموقف سمعته من ابراهيم عيسى فى برنامج الفهرس الذى يذاع على شاشة دريم 2
وقد استوقفنى هذا الموقف كثيرا فانا لم اسمع عنه حتى فى اكثر دول العالم ديموقراطية وتحضراً
وحدث هذا الموقف عندما كان مصطفى النحاس باشا رئيساً للوزراء فقد ذهب النحاس باشا ليستقل القطار مثل اى فرد من الشعب
وبداخل المحطة قابله شاب وصفعه على وجهه لا لشئ سوى انه لا يريده ان يكون رئيس للوزراء معترض عليه فقط
وكان رد فعل النحاس باشا انه اخذ الشاب من يده وقام بعمل محضر ضده فى قسم الشرطة
وخرج النحاس باشا وخرج الشاب من القسم لم يحدث له اى شئ سوى المحضر الذى سيحول للنيابة
هكذا انتهى الموقف بهذه البساطة تخيلوا لو حدث هذا الموقف فى وقتنا هذا
بالطبع استحالة ان يحدث لان رئيس الوزراء لا يسير الا فى مواكب وحراسة مشددة
ولا يستقل القطار مثل باقى الشعب وان حدث هذا فلا اعرف ما الذى سيحدث لهذا الشاب

اما بخصوص الملك فاروق نفسه فقد ظلم هذا الرجل كثيرا فقد وجد نفسه فجأة ملك مصروالسودان وهو مازال فى السابعة عشر من عمره
فكان لابد من ان يستعين باشخاص يعينوه على الحكم وهم اللذين اثروا فيه
ولكن الكثير حملوه اكثرمن طاقته وتحاملوا عليه
وحتى لا اكون مثل هؤلاء اللذين تحاملوا عليه سوف اكتب تدوينة خاصة بالملك فاروق ان شاء الله

مقهور حيا وميتا

هذا هو حال الشباب المصرى او معظمه وبالاحرى يجب ان نقول مقهور ميتا او شهيدا
فهو لا ينعم بحياته ويعيش كما الاموات وعندما يموت فهويموت غريقا
وعزاؤنا الوحيد هو ان يكون شهيدا ونحسبه كذلك ولا نزكيه على الله

ولكن حتى هذه الشهادة يرى البعض انه لا يستحقها كما افتى مفتى الديار -الحكومية- المصرية سابقا
تعليقا على غرق الشباب المصرى قبالة السواحل الايطالية آملين ان ينعم الله عليهم بفرصة افضل للعيش
بعدما بددت الحكومة امالهم وضيعت احلامهم بالحصول على فرصة عمل دون اهدار لكرامتهم وحقوقهم
واحلامهم بان ينعموا بالحصول على زوجة جميلة وابناء املين فى الاستقرار

فسيادة المفتى يرى فى هؤلاء الشباب -رحمهم الله-انهم طماعين ولا يستحقوا لقب شهداء
لا ادرى ماذا حدث لعقل هذا الرجل كل ذلك من اجل ارضاء النظام وحتى لا يحمله البعض مسؤلية ما حدث
انا اعرف ان الانسان الطماع عنده الكثير ويطمع فى الاكثر وهؤلاء الشباب ومعظم شباب مصر لا يملكون حتى القليل

وبرر موقفه هذا بان كل شاب دفع 25 الف جنيه مقابل سفره
هل يدرى من اين حصل هؤلاء الشباب على هذا المبلغ وهل سال نفسه لماذا قاموا بتلك المغامرة لو كانو يمتلكون مثل هذا المبلغ
لقد حصلوا عليه بالاقتراض او بيع كل ما تملكه اسرهم سواء كانت قطعة ارض صغيرة تعينهم على الحياة
او ذهب امهاتهم كانوا يدخرونه للقيام بعمرة لانهم حتى لا يتحملون مصاريف الحج

حسبنا الله ونعم الوكيل فقد كان صمت هذا الرجل افضل الف مرة من ان يتحدث
ففى مثل هذا الموقف العصيب كان يجب ان يواسى اهالى الضحايا لا ان يزيد من الامهم

ففلذات اكبادهم ماتوا فى ريعان شبابهم حيث كان معظمهم على اعتاب العشرينات من عمرهم
زهور مازالت تتفتح لتنعم بدفء الشمس وتكبر وتترعرع
ولكن هذا قدرهم وارادة الله فوق كل شئ واهاليهم يحتسبونهم عند الله

ثم ياتى هذا الرجل ويسب ابنائهم ويصفهم بالطماعين فهذا كفيل بتحطيم ما بقى من اهليهم وذويهم

اللهم ارحم شهداءنا وادخلهم فسيح جناتك
والهم اهليهم الصبر والسلوان
وانتقم من هؤلاء المنافقين

منهم لله

مانويل جوزيه
يا ظالم

شادى محمد
ارحمنا

حبيب الملايين

الحمد لله ان انا اهلاوى ومش عارف لو كنت زملكاوى كنت هاستحمل كل اللى بيحصل للزمالك ولا لأ
المهم بعيد عن الزمالك ومشاكله انا قلت لازم اكتب حاجة عن النادى الاهلى
لان النادى الاهلى هو الحاجة الوحيدة فى البلد دى اللى تفرح
وطبعا اول لاعب لازم نتذكره هو اللاعب محمد عبد الوهاب ربنا يغفر له ويرحمه
واللاعب التانى هو محمد ابو تريكة ربنا يكرمه ويكون سبب فى تحقيق انحاز تاريخى ليه وللنادى الاهلى

الحقيقة انا بستمتع بلعب النادى الاهلى وعايز ارد على كل الزملكاوية اللى بيقولوا ان الزمالك طول عمره احسن من الاهلى
وان لعيبة الزمالك احرف من لعيبة الاهلى وان الاهلى بيكسب عشان استقرار الادارة
انا من اول ما تابعت كورة وانا شايف ان النادى الاهلى بيلعب احسن من الزمالك
ولو على تاريخ اللعيبة فى الناديين فالاهلى طلع لعيبة كبار جدا مش هاقول الخطيب والفناجيلى ومصطفى عبده وغيرهم
كفاية اللاعب طاهر ابو زيد وانا بعتبره احسن لاعب لعب كورة فى مصر
وانا عاصرته وشفته وهو بيلعب
والمشكلة ان الزملكاوية صدقوا نفسهم بس المشكلة الاكبر ان فيه اهلاوية مقتنعين ان الزمالك احسن من الاهلى
حتى لو فيه ناس مقتنعين بكده انا مقتنع ان النادى الاهلى احسن
ولا انتو رايكو ايه

بحلم برفيقة

عم بحلم برفيقة تقلى

مشى نطلع صوب الشمس

اخدها ونطير نعلى

مطرح لا جن ولا انس

ونلاعب نجمات الكون

نركض هون...ونلعب هون

وقلها بحبك ...قلها بحبك
بتحبييييييييييينى

تقلى بحبك انت وبس
.......................

عم بحلم برفيقة تكون

رفيقة عمرى بها الطرقات

انا وهى سوا نكون

حكاية شعر وغنيات

ونخرطش ع خدود النجمة

اكتب اسمها وتكتب اسمى

وقلها بحبك ..قلها بحبك
بتحبييييييييييييييينى

تقلى بحبك انت وبس
.............

يارفيقة احلامى طلى

من الغيب من المسافات

مبدى باحلامى تضلى

مزروعة مثل خيالات

صار لى من عمرى ناتر

حبيبى بجنون تسافر

وقلها بحبك..قلها بحبك
بتحبييييييييييييييييييينى

تقلى بحبك انت وبس

الاغنية دى جميلة جدا ويمكن دى اكتر اغنية بحبها
لدرجة ان اصحابى اتخنقوا منى من كتر ما بسمعها
بس انا فعلا طول عمرى بحلم بكده
ومش عارف الحلم ده هيتحقق ولا لأ
ومش عارف الحلم ده هيتحقق قبل مااخطب او بعدها

ادعوا لى ان الاقى واحدة تشاركنى احلامى

يلا نفضحهم

بسم الله الرحمن الرحيم
لاول مرة بالاسكندرية : دعوة لكل مواطن ولكل مدون حر: لحضور .............

ملتقي الدفاع عن سجناء الراي وحقوق الانسان بالإشتراك مع ....

تجمع المدونين الطامحين في وطن عربي بدون سجين رأي واحد

و بحضور نخبة من الصحفين والسياسين والمدونين

فرصه حقيقيه ليجتمع المدونين مع بعضهم البعض

ويعلنوا تضامنهم مع حرية الصحافه والكلمه في مصر

موعدنا : الخميس 18/ 10 الساعه 5

بنادي المحامين بجليم كورنيش البحر الاسكندرية

بحضور وائل الابراشي وعصام العريان ونخبة من رموز الاحزاب

ياريت ياجماعة كلنا نشارك حتى لو بالاعلان عن المؤتمر
فى مدوناتنا او لكل اللى نعرفه
ولمزيد من التفاصيل
زوروا مدونة يلا نفضحهم

htpp://yallanefdahom.blogspot.com

عيد سعيد

كل عام وانتم بخير
عيد سعيد علينا وعلى الامة الاسلامية
ويارب يعيده علينا دايما بالخير والبركات

رجال صدقوا الله

بسم الله الرحمن الرحيم

(من المؤمنين رجال صدقوا ما عاهدوا الله عليه فمنهم من قضى نحبه ومنهم من ينتظر وما بدلوا تبديلا)

صدق الله العظيم

اردت ا ن اكتب عن واحد من هؤلاء الرجال الذين صدقوا الله وهو الشهيد عز الدين القسام
واسمه بالكامل محمد عز الدين القسام وقد ولد بسوريا فى قرية جبلة عام 1882
وقد جاء الى مصر عام1896 لكى يدرس فى الازهر الشريف ومكث فى مصر حتى عام 1906
وعايش التيارات الاسلامية بمصر وتاثر بها
ثم عاد الى سوريا وشارك فى الثورة السورية التى انتهت بمعركة ميلسون عام 1920
بعد ذلك انتقل الى فلسطين بعد تعاظم الخطر اليهودى واستقر فى مدينة حيفا بعد ان حكم عليه الفرنسيون بالاعدام
اشتغل بالتدريس والخطابة بجامع الاستقلال بحيفا واسس عام 1928 فرع لجمعية الشبان المسلمين ورأسه
ركز جهوده على ثلاثة اهداف وهى :التنبيه الى لخطر اليهودى , والدعوة الى الجهاد , واختيار العناصر واعدادها فكريا وعسكريا
فاثمرت جهوده عن تكوين مجموعات تهاجم اليهود فاغارت على طريق مستوطنة الياجورعام 1931 وقتلت ثلاثة من اليهود لعنهم الله
ثم تتابعت عمليات القسام العسكرية وانتشرت مجموعاته فى المناطق الجبلية
خرج مع ستة من اخوانه الى الجبال بعد ان ضيق عليه الانجليز الخناق فى حيفا عام 1935
واستشهد فى نفس العام مع اثنين من المجاهدين فى معركة يعبد حيث حاصره الانجليز بقوات كبيرة معها المدافع والطائرات
خرج الالوف يحملون جثث الثلاث شهداء بثيابهم المخضبةبالدماء الطاهرة مسافة 5 كم الى المقبرةفى قرية الشيخ
وصلى عليهم الفلسطنيون صلاة الغائب
وقد اتخذ الجناح العسكرى لحركة حماس اسم كتائب عز الدين القسام
رحم الله الشهيد واعان المجاهدين فى فلسطين
وطهر ارض فلسطسن من الخونة والعملاء
واريد ان انوه الى انه عندما اختارت حركة حماس - وفقها الله- هذا الاسم لجناحها العسكرى لم يكن من فراغ
وانما اختارت رمزا جليلا للمقاومة الاسلامية التى تخاف على مقدسات المسلمين ولا تساوم عليها

ذكريات رمضانية

كل سنة وانتم طيبين
رمضان كريم

ويارب يعيده علينا وعلى الامة الاسلامية بالخير واليمن والبركات
وان شاء الله يكون حال المسلمين افضل وتحرر فلسطين من براثن الصهاينة

شهر رمضان الكريم بيهل علينا كل سنة وكلنا بنفرح بيه وبنحاول نستقبله احسن استقبال
واكيد الشهر الكريم بيسيب معانا ذكريات حلوة ومبنحسش بيها الا فى الشهر الكريم
طبعا كلنا اومعظمنا مبيحسش ان رمضان جه الا اذا سمعنا اغنية رمضان جانا للفنان محمد عبد المطلب
الاغنية دى بجد من اروع الاغانى اللى اتعملت ده غير صوت عبد المطلب الجميل

ذكرى تانية مرتبطة معاى انا شخصيا وهى اذان المغرب بصوت الشيخ محمد رفعت فى اذاعة الشرق الاوسط
انا معرفش افطر الااذا سمعت صوت الشيخ محمد رفعت

طبعا الحكومة لازم تسيب ذكرى ليها فى رمضان
بس اكيد ذكرى وحشة مش حلوة
الحكومة متمثلة فى شيخ الازهر ووزير الاوقاف والمفتى لازم يخنقونا ليلة الرؤية
يفضلوا يخطبوا ويهنوا الرئيس ويهنوا بعض وفى الاخر يقولوا رمضان بكره ولا لا
طبعا بيكونوا اتاخروا وتضيع علينا صلاة التراويح فى اول ليلة
بس اليومين دول مفيش حد بيصدقهم والناس بتمشى مع الحسابات الفلكية

صوما مقبولا وافطارا شهيا

بوابة الحلوانى

بسم الله الرحمن الرحيم
لقد قمنا نحن اصحاب مدونات ابوسويلم و بتاع الجاز وتخاريف دكتور ودكتور كسلان وسى السيد
بعمل مدونة جديدة وقد اسميناها بوابة الحلوانى وقمنا بانجازها فى وقت قياسى
نظرا لنشاطى المعهود ومجهوداتى الضخمة

ايه الكلام اللى بقوله ده
م الاخر احنا عملنا مدونة مشتركة واللى عايز يدخل البوابة اهلا وسهلا بيه
بس ادعوا عشان ميتعلموش منى الكسل
ياريت تشرفونا فى مدونتنا الجديدة

ازهى عصور البيروقراطية

بعد اذن السيد صفوت الشريف امين عام الحزب الوطنى ممكن اقتبس العنوان من تعبيره الرئع ازهى عصور الديموقراطية
بس طبعا هو كان بيهجس وبيقول كلام غير الواقع .لان احنا بنعيش ازهى عصور الديكتاتورية
المهم خلينا فى البيروقراطية.بجد احنا بلد بيروقراطى من الدرجة الاولى بلد اختام وطوابع بوسطة
موظفين يبعتوك لبعض وموظف يقولك فوت علينا بكرة يا سيد طبعا دى اشهر جملة سمعناها فى حياتنا
وبتيجى كل يوم فى برنامج همسة عتاب واللى عمره ما حل مشكلة
مش عارف بقيت بتخنق من اى موظف اشوفه-مع احترامنا للموظفين-بس بحس ان فيه موظفين بيحبوا يضايقوا الناس
هو اكيد مش كل الموظفين كده لان فيه موظفين مغلوبين على امرهم ويقولك لومعملتش كده هتضرنا
الحمد لله انى مش بتعامل كتير مع الموظفين لانى لو كنت بتعامل معاهم كتير كان جالى شلل رباعى
انا من خلال موقف او اتنين اتعاملت فيهم مع موظفين كرهت كل الموظفين
انا فاكر ايام الكلية الموظفين فى شئون الطلبة واى موظف فى الجامعة عموما كانوا مثال للبيروقراطية المتاصلة والمتوطنة
كنت مرة بعمل ورق فى الجامعة والموظف قاللى ختم النسر مش واضح روح اخنمه تانى
وعشان يخنق عليا اكتر قاللى انا بقفل الشباك الساعة2 بالظبط ولو جيت بعد كده مش هاخده منك
يعنى مش راضى ياخد الورق وبيعجزنى لو اتاخرت ويقوللى فوت علينا بكرة ياسيد
موقف تانى حصلى اليومين اللى فاتوا عداد الكهربا بتاع البيت عندنا اتحرق وطبعا لازم اروح شركة الكهربا عشان اركب عداد جديد
المهم روحت الشركة واول مادخلت حسيت بانقباض وشعور غريب ودخلت للموظف وقلتله اللى حصل
قاللى لازم تشترى طلب فحص وبعد كده تدفع فى الخزنة ولازم موظف من الشركة هو اللى يفك العداد المحروق
المهم سمعت كلامه على مضض وعملت اللى قاللى عليه
وكسلت يجى اسبوعين ورحتله تانى بالعداد قاللى استنى لما اكتب تقرير وبعد ما كتب التقرير قاللى اطلع امضيه من المدير
وكتر خيره قال لموظف تانى يجى معايا لقيت الموظف التانى خاف وقاللىلا ياعم ده راجل لاسع وبيزعق ع الفاضى والمليان
المهم رحت مضيته من المديرونزلت لقيت الموظف بيقوللى روح ادفع فى الخزنة
هادفع تانى ما انا دفعت المرة اللى فاتت المهم رحت للخزنة لقيت الموظفة بتقوللى استنى شوية
وبعد انتظار يجى ربع ساعة قالتلى لسه فيه امضاء ناقص اطلع امضيه تانى
طلعت مضيته ورجعتلها قالتلى استنى لما انده عليك ولما ندهت عليا قالتلى هات 128.75 جنيه ياسلام ع الدقة
دفعت وامرى الى الله وبعد كل ده هستنى حوالى اسبوعين لما العداد الجديد يتركب
بذمتكو مش حاجة تخنق

من أجل رفع الظلم عن المظلومين

نقلا عن مدونة بحب مصر
http://baheb-msr.blogspot.com

"لازم نعمل حاجة " هذا هو ماشعرت به فى تعليقاتكم على البوست اللى فات يمكن ده فعلا لسان حالنا كلنا لازم نتحرك يوم ورا يوم بيفوت ومفيش جديد فى الموضوع عشان كده قررت ابدأ الحملة حملة للمطالبة بالاعلان عن مكان الطلاب المختطفين حملة من أجل رفع الظلم عن المظلومين حملة نعذر نفسنا بها امام الله حملة من أجل انصر اخاك ظالما او مظلوما .......بس للأسف انا مبعرفش أصمم فوتو شوب وماعنديش غير التصميم ده مناسب (انهم يقتلون فينا حب مصر ) عشان كده ضعه فى مدونتك واللى يعرف يصمم اى تصميم مناسب يراسلنى على الايميل islam.refay@gmail.com

- حاول نشر الصورة فى اكبر عدد من المدونات والمواقع

عايزين نراسل اكبر عدد من الكتاب والاعلاميين

وللاسف فيه اخبار بتؤكد وفاة الطالب محمد على فريد من شدة التعذيب
والد الطالب صرح بكده والخبر ورد فى المصرى اليوم
يارب تكون اخبار كاذبة ولو كانت صحيحة
ندعوا الله ان يغفر للشهيد ويدخله فسيح جناته وان ينتقم من الظالمين شر انتقام

حسبنا الله ونعم الوكيل

الهجوم على سوريا

انا مش عارف ليه كل الهجوم ده على سوريا والانتقادات الكتيرة دى
طبعا مش قصدى الهجوم من جانب امريكا واسرائيل على النظام السورى
انا قصدى الهجوم الموجه من الفنانين المصريين للفنانيين السوريين
ليه كل الغيرة دى من الفنانيين المصريين ده علشان الممثليين السوريين اخدوا ادوار مهمة منهم
او لانهم -السوريين-متمكنيين عنهم حتى باللهجة المصرية
ومن امثلة الهجوم ده: الفنان احمد ماهر انتقد بشدة الفنان جمال سليمان لقيامه ببطولة مسلسل حدائق الشيطان
وكان شايف ان هو يقدريقوم بالدور احسن منه
طبعا استحالة كان يؤدى الدور زيه-مع احترامنا للفنان احمد ماهر- واعتقد ان ده مش رايى لوحدى
وياريت يشوف اداؤه فى المسلسلات السورية زى ملوك الطوائف وعصى الدمع
ومثال اخر : فى تصريح للفنان حسين فهمىللمصرى اليوم قال فيه انه بيتحدى اى ممثل سورى للوقوف امامه فى مشهد واحد
انا بقى اتحدى اى ممثل مصرى انه يقدر يمثل مشهد واحد فى مسلسل تاريخى امام ممثل سورى
الممثلين السوريين متمكنيين جدا من اللغة العربية الفصحى من حيث النطق ومخارج الالفاظ غير تمكنهم من الاداء
انا ادعو الممثلين المصريين انهم يشوفوا المسلسلات التاريخية السورية زى مسلسل الحجاج والظاهر بيبرس وخالد بن الوليد
وافضل دليل على كلامى انهم اختروا الممثل السورى غسان مسعود للقيام بدور القائد العظيم الناصر صلاح الدين فى الفيلم الاجنبى مملكة الجنة
والمتابع للدراما السورية يجد انها تطورت بشكل كبيرجدا فى اخر 10 سنوات
سواء كانت مسلسلات تاريخية او اجتماعية او كوميدية وعتقد انهم تميزوا فى الكوميدى
وخير مثاال على كده مسلسلات الفنان ايمن زيدان الكوميدية
وانا اؤكد واجزم ان مفيش مسلسل كوميدى مصرى فى جمال وروعة مسلسل جميل وهنا ده غير جمال بطلة المسلسل نورمان اسعدوخفة دمها

والغيرة دى بتبان اكتر عند الممثلات لان الممثلات السوريات جمل منهم الف مرة منغير عمليات تجمل ولا نفخ ولاشد ولا شفط
انا منكرش جمال المصرييات علشان محدش يزعل
نذكر منهم علىسبيل المثال الفنانة سولاف فواخرجى والفنانة جومانة مراد
انا مبقولش ان الدراما المصرية غير مميزة بس زى مبنديها حقها لازم ندى للدراما السورية حقها
وبدل مانغير من بعض ايه المانع ان احنا نشارك بعض علشان نطلع حاجة مميزة
واعتقد ان احنا لازم نبطل الكلام الكتير عن الريادة الاعلامية والعراقة والحضارة
وبعدين انا مش عارف حضارة ايه اللى بيتكلموا عليها انا عمرى ما شفت تمثال للفراعنة وكن واحد شايل كاميرا تصوير ولا تمثال تانى بيقول اكشن
كفاية اوى كده الحضارة عمرها ماكانت ماضى بس
واخيرا اتمنى اشوف الوطن العربى والاسلامى متقدم فى جميع المجالات

stop or my mom will shoot

معلهش لو كنت كاتب العنوان بالانجليزى وده علشان مش ثقافتى انجليزى ولا انا خريج مدارس لغات
اصل العنوان ده اسم فيلم لسلفستر ستالونى باختصار كده من غير تفاصيل لانى مبحبش اتكلم عن حد كتيرا
المهم قصة الفيلم ده ان بطله كان ظابط شرطة وكان ربنا رازقه بام خنقاه ومطهقاه فى عيشته وبتدخل فى كل حاجة فى حياته حتى شغله
بس فى اخر الفيلم انقذته من الموت لما مسكت مسدس وثبتت المجرمين اللى كانوا عايزين يقتلوه

اللى انا عايز اقوله ان مهما الاب والام تدخلو فى حياتنا او اعترضوا على تصرفات احنا شايفين انها صح فده بيكون

من خوفهم علينا وعلى مصلحتنا لكن احنا بيتهيا لنا ان ده تضييق علينا ومن باب السيطرة والتحكم

فلازم نراجع نفسنا ونبطل الكلام اللى بنقوله اعتراضا على تصرفاتهم معانا
ايه يعنى لما ابوك يشيل الريسيفر فى وقت الدراسة؟ مش علشان تذاكر وتنجح
ايه يعنى لما امك تزغق لك قدام اصحابك وقدام اللى يسوى واللى ما يسواش
ويا سلام بقى لو كانت عايزك ماتتاخرش بره البيت عن الساعة12
ولو دخلت البيت متاخر تبقى انت صايع انت واصحابك

هى اينعم حاجات تخنق وتخليك مش طايق نفسك وممكن تخليك تقتل حد من الاتنين
مش ابوك وامك لا طبعا ياتقتل نفسك ياتقتل نفسك برده
وارجع تانى واقولك-على راى سيد مكاوى- ان احنا لازم نحسن معاملتهم ونبرهم نسمع كلامهم

وسبحان الله ان احنا نسمع الكلام بقت اقصى حاجة الاهل يتمنوها مع ان ده الطبيعى

يعنى المفروض نشوف هما عايزين ايه ونعمله قبل ما يطلبوه ولو اعترضنا على حاجة يبقى باسلوب كويس
لكن احنا قلبنا الاية وبقينا نعترض على اى حاجة وباسلوب وحش

ويوم مانسمع الكلام يبقى احنا كده عملنا اللى علينا ورضينا ربنا مع ان ده غلط
مش ده اللى يرضى ربنا لكن اللى يرضيه ان احنا لازم نبرهم حتى لو مشركين
لان ربنا قرن الاحسان الى الوالدين بتوحيده وعبادته

بسم الله الرحمن الرحيم

وقضى ربك الا تعبدوا الا اياه وبالوالدين احسانا

صدق الله العظيم

أخيرا

بسم الله الرحمن الرحيم

ان فتحنا لك فتحا مبينا

صدق الله العظيم

اخيرا دخلت عالم التدوين بعد كسل دام 3 شهور

ومش انا اللى عملتها طبعا لانى كسلت

واللى عملها هو تخاريف

انتظروا منى بوست جديد فى اقرب فرصة

وادعولى ما أكسلش

سلام